محمد جمعان الدوسر ى _ الدمام - الشرقيه
في ساعةٍ تاه الأمل وشاقك أقراك….
ونازت بك الحيلة وعينك كليله
كن الأمل حيران ما دار في حماك..
وأنت العليل اللي صميلك تشيله
دورة حياتك كنها دورة أفلاك….
مسارها بيّن تلألأ سبيله
تضرب بكفٍ كف والصبر ملجاك..
عليك من فيض الأماني مخيله
لا صاحبٍ إلا من زهمته تلفاك…
ولا خويٍ ترتوي من صميله
يا زين حظك لغدًا أخوك يمناك….
لا جيت له تلقى البشاير مسيله
إن شاف بك خله فزع لين يرفاك…..
أما بوقفه صدق أو طيب حيله
لا من مسح لك دمعتك عز متكاك..
ويرتاح لو كانت حياته عليله
وكم صاحبٍ بالود يدور في وياك….
يسوى بما سواه عندك قبيله
رسول وده بادٍ في محياك…
مكسب حياةٍ وما تلاقي عديله
