سيد جعيتم _ جمهورية مصر العربية
بيني وبينك
حسبة أرقام
مش معدولة ولا متساوية
أصلك عندي رقمك واحد
نما رقمي عندك كام
مهو مش ممكن وسط ظروفك
وسط الزحمة أكون قدام
أيوه أنا فاهم بعرف أقدر
أنا مش غافل ولا متكدر
بس أنا برضه زي ما عندك
عندي ظروف
يمكن أكتر
بس أنا صابر
ومابشكيش
وعمري ما فكر
إلا إنك… رقمك واحد
ربك شاهد إني ما جاحد
زي ما قلت لما عاتبتك
والله كلامك فاق الحد
ما بركعش
صالب طولي
دايمًا جامد
ولا أكرهش
اللي ما بينا حب كبير
عمره ما كان محتاج تفسير
ولما أشوفك
ترميلي سلام
مليان بكلام
ما يصبرش
ولا يرويش
قلبي العاشق
اسمع مني
أنا حطيتك جوه في قلبي
فوق الكل
وأنت شمخت علي بأنفك
يبقى غلط لما بحايلك
دايمًا متحجج
قلي ظروفك ليه منعاك
تسأل عني وعيني تشوفك
ولا الكلمة بقت وجعاك
قول بصراحة
أنا بسمعلك أنا وياك
قلي تعبت
خلاص مش قادر
اني أكمل تاني معاك
أنا مش قابل
اعيش ع الهامش
سيبني احسبها بالارقام
مش بالحب والأحلام
صحيح… مش غادر
بس أنا قادر
برضه أغادر
ولا أركعش لغير الله
مهو من غيرك
ها أفضل عايش
بس دماغي تبقى لفوق
ولو الحب ها يجيب داغي
يبقى أبادر بالهجران
