الشاعر : محمد جمعان الدوسري
سنين عمري بين جيه و روحة…………….
أطرد ورى الهاجوس وأروح وأجيه
بين الهموم يلد حظي جنوحه………………….
من وين ماروحت يرمي شواضيه
على وجيبي لين صالت جروحه………………..
وبانت عليي وشاهق الحزن مابييه
وأنا كليل وخاطري زاد نوحه…………………..
وأطلق سهامه ليين ناديت وش فييه
خارت قوايه والتعب زاد فوحه…………………….
وزوله يروى وإن تلويتنا ٱتييه
تاهت حصاتي والماسي لحوحه……………………
على العليل وبان ماكان يخفيه
شلت التعب أول ونفسي سموحه…………………..
وقت الشباب وماهزمتني عواصيه
أضحك واسولف والأمل في طموحه………………
وأرقى على رجم(ن) تناهت مفاليه
واشرب رضاب الصبر وأبني صروحه……………
بعزم الشباب اللي خذتني أمانييه
واليوم في ضول الملاوي الكشوحه……………………
كشفت نحري وهدني ما أعانييه
يالله يامنشي المزون السروحه…………………
بالخير ترحم حال عبدك وتغنييه
وتصير نفسه بالسعاده صبوحه…………………..
انت العليم بضعف حاله وما فييه
