كنت أبرق في المعاني

محمد جمعان الدوسري

كنت أبرق في المعاني اللي تلاحت/

بين عيني وخاطري منها اكتفا

وأغلبت نفسي على الشكوى وطاحت/

دمعة حرا يحليها الوفا

ودلة أوجاعي من الأحزان فاحت///

لين زاد اقنادها حتى صفا

وصرت أجر الصوت بالشكوى وساحت///

ونة(ن)تشوي ورأسي ماغفا

أبتعد وأروح عنها ويوم لاحت///

جاوبتها زفرتي بما خفا

ما قدرت أقعد مكاني وماأستراحت///

نفس ممرور(ن)دهاها مالفا

والأماني المجدبه من يوم لاحت/

سعرت في القلب بركان وكفا

ليتها يوم أقبلت يمي أشاحت/

وأبعدت عن قلب معلول الجفا

وليتها مرت بعيد وما أطا حت/

بخاطري أوصد عنها أو عفا

صحتنا وليي وصالت واستباحت/

الخاطري بالضيم حتى أنه حفا

والهموم المجديه من الظيم ناحت/

ومدها العاتي على المعني لفا

لاتجر الصوت بآهات تلاحت/

وألتزم بالعزم والصبر وكفا

كم معاني طيبه جتني وراحت///

مثل حلم عاب عني واختفا

وأصبحت ذكرى تلاحت لي وباحت///

بالشجون اللي تنقض ماخفا