محمد جمعان الدوسري
سنين(ن)تعاقب بين روحة وشوحه……..
وأناأطرد ورى الهاجوس وأروح وأجيه
تعاقب هموم ولد حظي جنوحه……
من وين ماروحت القى شواضيه
على وجيبي لين صالت جروحه….
وبانت عليي وشاهق الحزن مابييه
وأنا كليل وخاطري زاد نوحه…….
وأطلق سهامه ليين ناديت وش فييه
خارت قواي والتعب زاد فوحه…..
وزوله يروى لي وفز وافز وآتييه
تاهت حصاتي والماسي لحوحه……..
على العليل وبان ماكان يخفيه
شلت التعب أول ونفسي سموحه….
وقت الشباب وماهزمتني عواصيه
أضحك وأسولف والأمل في طموحه……
وأرقى على رجم(ن) تناهت مفاليه
وأشرب رضاب الصبر وأبني صروحه….
بعزم الشباب اللي خذتني أمانيه
واليوم في ضول الملاوي الكشوحه……..
كشفت نحري وهدني ما أعانييه
يالله يامنشي المزون السروحه……
بالخير ترحم حال عبدك وتغنييه
وتصير نفسه بالسعاده صبوحه….
أنت العليم بضعف حاله ومافييه
