مدينة حب 

محمد الثوعي

قلبي مدينة حب من غير سكان

……….عاشق ولكن مالقيت النفاعه

ياكثر ما مروا حبايب وخلان

……….بالعمر ما غابوا عن البال ساعة

من حب وأخلص ماتعذّر بالأزمان

……….وكثر المتاعب ماتغيّر طباعه

واللي تشكّل بالزمن عدة ألوان

……….هذا مصيره للفلس والشناعه

من كان له مبدأ مع الوقت كسبان

……….واللي عطا من قلب عنده مناعه

لا قلت انا إنسان عاشق وفنان

……….ماقلت غير الصدق صنت الوداعه

فتحت باب القلب للوصل عطشان

……….مركب غرام اليوم بطوي شراعه

عشت العمر بين المتاعب والاشجان

……….أكبر خطأ قلب ٍ عطا بأندفاعه

غنيت من نزف المواجع والاحزان

……….لاحب صادق في زمان القطاعه

ولهان وأبحث عن مشاعر والإنسان

……….أكبر طموحه قلب كله قناعه