محمد جمعان الدوسري
الهواجيس غربه والمشاعر صبابه…………………….
وين وجهت تلقى في حياتك شحوب
تاه مركب شجوني في اتون الغرابه…….
كيف ابحر ومجدافي تلفه ندوب
كل ماجيت أبدله أو أجهز زهابه……………………..
حارت الرجل في تالي سموم الهبوب
أبتسم ولاحي البوح أبغى إجابه…………………….
للسؤال القديم إللي يغيب ويؤوب
كل هالناس مثلي؟ درهموا في شعابه؟…………………..
ولا أنا أسير وحدي في ملاوي الخطوب
في رحاب المدينه ذقت مر الكٱبه………………….
في إهابي شحوب من سهام تجوب
قلت بكره تعدل.. ويفتح الحظ بابه………………..
وبمتطي لي جواده والسحايب صبوب
بين خفق المحاني لف قلبي إستجابه………………..
للهواجيس حتى صرت فيها أذوب
أحتسي لي هماج(ن)ما حسبنا حسابه……………….
والبلاوي كثيره قستها ثوب ثوب
جفت الأرض واقفر قاعها بأضطرابه……………….
كل ماقلت تتعدل تزيد الكروب!!!
