محمد جمعان الدوسري
بيني وبين الحظ وبختي دروب…….
مشيتها تايه وأنا أسأمر العوق
كن الامل ثوب(ن) لبسته به إثقوب……………
باستر هواجيسي والوجد مسروق
وانا كذا في خلوتي خاطر يذوب……………….
في فيضة أشجاني والحزن خازوق
لاضاقت الحيله غدا الفكر مسلوب……………..
أسج في فيي الهوى وكله إطروق
ترى الحياه أفراح وأتراح وإذنوب……………
وحنا بها نمشي على مفرق السوق
أحد(ن)بضيق العيش يعيش مكروب……………..
وأحد(ن)حياته بالهنا تبرق بروق
سج القدم وإقنع بما كان مكتوب………………
مقسوم والمقسوم لوشاق ملحوق
واللي كتبه الله في الكاس مصبوب…………….
فداو الالم بالصبر وبأذن الله اتروق
بعد العسر يسرين والعاقل ايؤوب……………
ارزاق مكتوبه وفي رزقنا افروق
احد(ن)يجيه الرزق راهي ومندوب……………..
واحد(ن)مسار الحزن سابر ومطروق
