إلهام علاء _مصر
طرحت شركة “روتانا” أغنية جديدة بعنوان “سيبتك” للمطرب والملحن حسام حبيب، وهي أول أغاني ألبومه الجديد لصيف 2025، وذلك على قناتها الرسمية بموقع “يوتيوب” وجميع المنصات الموسيقية.
أغنية “سيبتك” من كلمات أدهم معتز، وألحان تامر علي، توزيع موسيقي أحمد وجيه.
تقول كلمات الأغنية:
سيبتك تقول عليا حاجات ماكنتش فيا
سيبتك تجيب اللوم عليا وفضلت برضو شاريك
ضيعت فيا روحي .. معاك ليه زادت جروحي
ده أنا كنت ليك
أنا كان طموحي إزاي في يوم أرضيك
من حبي فيك أذتني وجعتني بيك لقيتني
عايش حكاية غيرتني والفضل يرجع ليك
بعد السنين ما عدوا عايزني ده كله اهدى
بعدك ما اظنش هبقي قده
لوحتي فاتوا سنين
مبسوط كده انت يعني بتمشي خلاص بايعيني
وارتحت لما بقيت واجعني
معقولة هنت عليك
فين اللي كان في حضني بيحلف لي وواعدني
يفضل لحد ما اموت ساندني
طب ليه بموت بأيديه
معقول خلاص نهاتها مشاعري معاك نسيتها
طب احلامي اللي بنتها
تتعاش لمين بعديه
بعد السنين ما عدوا عايزني ده كله اهدى
بعدك ما اظنش هبقي قده
ولا هقدر ابقي ناسيه
تصدر المطرب حسام حبيب، مؤخرا التريند عبر جوجل ومنصات التواصل الاجتماعي بالتزامن مع طرح تيزر أغنية “سيبتك”، حيث ربط الكثير من الجمهور بين إسم الأغنية وبين علاقته بطليقته الفنانة شيرين عبدالوهاب، ورأى الكثير أن في ذلك تلميحًا واضحًا إلى تجربته الشخصية السابقة، خاصة وأن حسام حبيب أكد من قبل أن ألبومه الجديد يحمل الكثير من التفاصيل الخاصة بمحن ومغامرات حياته الشخصية خلال السنوات الأخيرة.
وسوف يتم إطلاق ألبوم حسام حبيب الجديد على جزأين على فترات متباعدة؛ كل جزء يشمل 5 أغانى، حيث تعاون فيه مع عدد كبير ومميز من الشعراء والملحنين والموزعين منهم تامر على وأدهم معتز ونابلسى وأمين نبيل وإبراهيم شتا وأحمد يوسف وغيرهم.
