الشاعر محمد عبد العزيز رمضان
مسافر مسافر
وهبعد بعيد
ومش ممكن أقدر
أسيبك وحيد
هسيبلك دموعي
ووجعي ووقوعي
ومهما هتندم
خلاص إيه يفيد
وفاكر كلامي
وبعدي وخصامي
وكل اللي بنا
قديم مش جديد
ضحكنا وبكينا
مشينا وجرينا
وورد الجناين
بيضحك سعيد
وكانت حكاية
وملهاش نهاية
حكاية غرامي
وشوقي الشديد
مسافر مسافر
يا قدري ونصيبي
ومهما هفارق
هتفضل حبيبي
يا زهرة حياتي
بلاش يوم تغيبي
يا بلسم جروحي
دوايا وطبيبي
غرامك غرامي
وبيزيد لهيبي
يا نسمة ورقيقة
يا أجمل حقيقة
بقولك كفاية
عليا تغيبي
مسافر مسافر
يا ضى العيون
برغم إن حبك
دا فاق الجنون
ونارك كويتني
بغيرة وظنون
