محمد جمعان الدوسري
ياجو أبها قل لراعي التسافير………………….
هنا الهوى والطيب والزين كله
هنا النسيم اللي يخلي الهوى غير………………………..
يشفي سقيم(ن)اتعبه ما يعله
مابين طلعات القروم المساطير…………………
واللي يبي يرقى الجبال المطله
أوجلسة(ن)في العوص من دون تبذير……………………..
تحت السنط ووجيههم مسفهله
في شاهق يحكي طروف الأساطير…………………
وطلة جلاميد على رأس تله
ريح النفل والشيح من وين ماتسير………………….
ذعذاع نسماته تعطر محله
والبعثران إذا ملا الفيي تعطير…………………..
فلة احجاج(ن) بين ساري(ن)وخله
ولا النماص وجوها بالتباشير…………………
مخيلة(ن)يسقى بهاالسيل جزله
تروي من أطراف المفالي نواوير…………………..
فمدرجات تسحر القلب عدله
وفييي المرحب في شعابه مسارير…………………..
تضوي بها الوديان ماهيب ضحله
ولا هوا الباحة ومن دون تفكير……………………
دوا العليل اللي جنح فيه رحله
بليل ريح بارده بردها مثير……………………….
فيها الندى زاكى ويكفيك وبله
ولا دروج ترتقب فيضة الخير………………………
ولا نعور(ن)تقلب الحر فله
لاهاربه ولا ذواري تبارير…………………….
ولاعقيم(ن)تلبس الجو حله
الطل وافي وديمة الهاطل تغير…………………….
ويسيل مسياله وهو في محله
تلقى بها الماضي يخلد احافير………………….
تاريخ منقوش على الرجم طله
والتين والمشمش بواكيرها غير……………………….
دوى السقيم اللي يعنيه مصله
ووادي لجب ينساب من شاهق الميير…………………..
يرسم جمال يأخذ القلب شكله
جو(ن)يخلي من قعد ساهم يحير…………………….
وقت الضحى إذا غدى الجو فله
ولاعصير إذا بدا الهاطل يغيير……………………..
ويطيب ريحه والسواري تفله
واللي يبي ينصا الديار البواكير…………………..
يزور فيفا لا بدت مستهله
سحر الطبيعه في مساطيبها غير……………………
والنسمة اللي ريحها ماتمله
ولا المدارج فأرض فيفا تباشير…………………….
ريف على رجم(ن) تخومه مطله
مصايف(ن)طابت بكيف وتباصير………………….
يشوفها القاصي وهو في محله
ومن وين مايممت تلقى مناعير…………………….
حيث الگرم والجود سيره ومله
وأمن وأمان وراحة(ن) تسلب الطير ………ً…………
وعوارض(ن)تسقي الفياض المظله
هذي ربوع بلادنا وين ماتسير…………………..
تلقى الجمال الصب في أوج حله
