محمد جمعان الدوسري
من داس ما يدمي القلوب اللي لها فيضة إحساس …………..
وإللي يشاكينا الألم وإللي يحس بهمومنا
يعرف وش إللي في وجيبي يختلج بلا إلتباس……………….
ويدري بما شفته وعانيته ولد حلومنا
همال سيل دموعنا وجعة ضعيف(ن) ذاق كاس……………
مر(ن)مرير(ن)زاد حتى ما مسحته أكمومنا
كل ما بغيت أخفي دموعي خلخلت مني الأساس………………
تخنقني العبره وتشرقني وهذي علومنا
وأنا من الوحشه رهين الحزن مكلوم الحواس……………..
اراجع الماضي البعيد ف خلوتي و يسومنا
ماأدري أنا في حلم ولا في تخوم الأحتباس……………
اخاف أشكي علتي والخطب فوق اتخومنا
يارب لطفك من لنا غيرك وسهم الحزن داس………………….
قلبي الضعيف وسامني وما اهتني بمطعومنا
اقول للي ماشرب كاسي ترى لحزني أساس………………..
أنا بشر وإللي ماعناه التعب لايلومنا
الصبر نادمته من اول لين طاولته مراس…………………
راضي بما قد قدره ربي وذا مقسومنا
