الشاعر محمد عبد العزيز رمضان
يا ام البطل
يا أم الشهيد
يا أم اللي ضحى
عشان نعيش
شايل سلاحه
بكل قوة
وعمره يوم
ما بيشتكيش
يا أما أفرحي
أنا مش هموت
لو حتى مت
ما تزعليش
عايش ف قلبك
جوا حضنك
نجمة عالية
ما تنطفيش
هرجع يا أمي
وراسي عاليه
وعمرها
ما بتتحنيش
يا مصر إسمك
في العلالي
أسم غالي
ما ينتهيش
أنا دمي دمك
حته منك
غيرك أنت
إزاى أعيش
أنا مهما أسافر
بكرا راجع
بعدي عنك
ما يساويش
أصلك حبيبتي
ومهما غبتي
عليا صعب
ما تتنسيش
ربك فداك
من عداك
مهما حاولوا
ما تخافيش
ياشمس حرة
علينا درة
اشرقي
وما تغربيش
أنت العزيزة
أنت الحبيبة
علينا دايمًا
ما تهونيش
وقت الصعاب
تلاقينا جنبك
أقوى شعب
وأقوى جيش
