راشد بن عامر السلماني
ما عاد فيني شوق
يطفي إحساسي
احترت جدا معاك
كيف أذكّرك يا ناسي
شمعتي الأولى احترقت
وذابت روحها فيني
والليل ظل حاير
يبحث عن النور
ما لقى غير عيني
تسهر كثير .. ونومها أسير
ما بين صدرك
وبين رمشك الخطير
* * * *
دفا الشمعة الثانية
أثر على قلبي المحتار
يمر من فوقي السحاب
وكنت أظن عطرك معه
ومن تأثير الغياب
ظنيت صوت اسمعه
هذة ثاني الشموع
رحلت بلا رجوع
* * * *
ليت الشمعة الثالثة
تحترق بأسرع زمن
وتأخذ معاها ذكراك
ما عاد لها عندي ثمن
اختلفت عندي الدروب
ذابت شموعي وأنا أذوب
ياليل لا تزعل لحالي
سهّرني وأجمع الليالي
ولو بقى تحت الشجر عروق
بتعرف إني .. باقي فيني شوق.
