ليلى براده
كلما كتبت قصيدة
يسولني فين القفلة
واش انا صرتها
كتبت وختمتها
مرة تطلع معاها قفلتها
مرة يبقى محلول فمها
خود يا سامع من الحروف
المعنى
وما تحݣر فالقفلة
راك عارف فاهم قصدي
ومتأكد من المغزى
راه قلامي مايخطط
غير مايدور براسي من
فكر وأفكار
ومايجول باحساسي
وكيخرج من أعماق
أنفاسي
سبع كان أو ضبع
ماتشوفش الهيئة
شوف المترجم بلسان
الحال يا اهل الحال
واااااااه وااااااااااه وااااااااااااه
ياصادق بكلامو
ويا سامع لنغامو
امن بعقيدة وجود الشعر
فاحساسو
وحرارة المعاني لي كتعبر
فدواخلو
