قعدت أفكر والفكر شي معتاد

محمد جمعان الدوسري

قعدت أفكر والفكر شي معتاد……………………..

يشدني مره ومره أديره

منادي(ن)فيض القوافي ولي إطراد……………………..

أرتب حروفي براي وبصيره

خايف يقيدني ردى الراي بصفاد…………………

محكممة من دون ماأدري كبيره

لصرت أطارد سانحاتي بلاجهاد…………………..

فيض المعاني في رحابي كثيره

الشهم ينزى عن متاهت الأحقاد………………….

يدمح خطأ المخطي ويطوي حصيره

فج اليمين امسدد الراي وقاد……………………..

بسمة حجاجه وين يومي سفيره

يكفيك منه إحساسه إن جيت وراد………………………

وإذا نتخيته مايخيب شويره

ماعاش في راحه حقود(ن)ولافاد…………

واللي يبي العليا يبرك بعيره

كم غافل تاهت به الرجل لوساد ………………..

ماساد هرش(ن) والملاوي تديره

واللي يبي يرقى على الرجم واعتاد………………….

على المعالي لايخلي الذخيره

كم شايب(ن)ماله مع الري ميراد…………………….

العمر يجمح به ورجله كسيره

وكم من فتى فوق الثريا غدا وقاد …………………..

قومه وداره في رحابه مطيره

خذ من تجارب من مضى وانت صياد……………………

اللي تبي ترى الملاوي مضيره

هذا ولاهل الراي احكام تنعاد……………………..

للي رقى رجم الملاوي العسيره