محمد جمعان الدوسري
تمشى في الرفيرا وخل عنك الساحل الشرقي……..
إذا دوخك حر القيض وثارت عجة أغباره
وصار الحر هطاله سموم(ن)يحرقك حرقي ……..
ونزف سيل العرق حتى غرقت فمد إعصاره
تمشى فريف مرسيليا
وشوف أمواجها الزرقي ……
تداعب كاعبات(ن)من طلوع الشمس دواره
وأنا في دوحة الدمام
أطأرد بالرضا رزقي…..
وأصافح صييب اقداري
وصالي حره وناره
يغالبني لهيب الصيف ويسرقني التعب سرقي……
ولا أدري وين أرووح لا عزف لي الحر مزماره
ولا تنسى هوا النمسا ترى لفيي الندى فرقي….
أمطاره قطن مبثوثه بياض(ن)وشح أشجاره
ولف الراس في إفينا ووادي إرتيز والطرقي……
إلى زفليز وأتمشى بها
وأسرح بمحداره
وأنا بجلس هنا أستنى وأناجي عابر الورقي……
وأغاني الغوص والنهام لامن داعب إجراره
وصاريردد النجوى ولاحى بالهوى طرقي…….
إذا دلت تنادي له دلال بجر أشعاره
وواعد نفسي الحرى بجو أبها وأنا طرقي…….
أجيها في لهيب الصيف
وأعالج لوعة أخطاره
وأنا مبسوط ومستانس بعزف الرعد والبرقي……
وأنادي عاليي السوده بوجد أشواق جراره
وطالع في المدى فيفا جمال(ن)يسحرك شرقي….
تحيي بسمة السايح بروح الفل وأزهاره
