الشعر كأس وللتعلات ميراد

طافت علييه سانحات لها أطراد………………..

بين المحاني وللواعج تعدي

 

والشعر كأس وللتعلات ميراد…………………….

ولاسال سيله انتشي وماأهدي

 

وبجزالة الألفاظ أصير رداد…………………

إذا سقى ساقي الهوى وكنت وحدي

 

أكتب حنين(ن)في فضا الوجد وقاد………………….

وأنا كذا من فيضة البدع أعدي

 

في كل باب(ن)لي مع الفتل ميعاد…………………..

ويطوش خيلي وكل مامد أمدي

 

ومما يخلي موقدات الصبا إشداد…………………

أنك تخلي الشعر لاجا يعدي

 

ومن فضل ربي للجزيلات أستاد………………….

علمت كل اللي نشدني بودي

 

واللي يروم الفود يفرح اذا فاد………………..

غيره ويهناه العطى لا التردي إذا

 

ومن طاول القامات فينصب لها أوتاد……………….

ويصب فنجال(ن)من الطيب رجدي

 

وأنا خذاني البوح والبوح صياد…………………..

ولامن هدفني ..واهجي له يمدي

 

رقيت رجم عالي(ن) فارع(ن) حاد……………………

ويوم(ن)تمثنيته سرى فيه وجدي

 

وناديت لفلول المعاني بإنشاد……………………

وفيض القوافي كل ما سال مدي

 

طاب الكلام الزين من غير ترداد……………….

والبوح لأهل البدع مايروم حدي

 

واللي يعرف الزين للزين ينقاد…………………….

وإن قالوا أهل الفهم هدي يهدي

 

وترى الكلام الجزل للحزن ضماد…………………….

ويطيب به حالي إذا فاض وردي

 

واللي يبي ينطح هل العرف يعتاد…………………….

على التاني قبل كشف التحدي

 

والذرب لامن قلب الراي صياد…………………..

واللي يعرف الحق رايه يسدي

 

أحد(ن)يحب الصعب وكفه ازناد…………………..

وقلبه حنون ومايحب التعدي

 

ربي عطاه الفهم والعرف ميراد……………………..

وكسب الجمايل بين الأحباب مجدي

 

واحد(ن)بنى بيته على ساس واعماد………………….

وحفظ أساسه عن ملاوي التردي

 

يحسب حسابه أن نوي علم اوراد……………..

ويقوس قبل يغوص في كل مدي

 

واللي على شيل الثقيلات معتاد…………………..

يقدم وإذا طاب الهوى لا يهدي