رابية الاحمد.
نبع الحنان
من يوم ال عني غبتي قلبي حزنان
غيابك شو صعب عليي جنني جنان
كيف بدي انسى حضنك يا ست الكل
اللي كان يحن عليي يطفطف تحنان
ع قبرك جيت زيارة وهليت دموع
معقولة شوفة وشك صفا ممنوع
رحتي روحة وشو صعبة ما منا رجوع
حفنة من ترابك بلسم تشفي المرضان
بدي شمة من عطرك لأصحى وفيق
كنتي زهرة بحياتي وقلبك شو رقيق
البوسة منك بتداوي بتحيي ع الريق
ومن بعدك كل الدنيا عشتا بحرمان
بقلمي رابيه الأحمد
