الشاعر : محمد عبد العزيز رمضان
لا يا قلبي أوعى تبكي
على اللي راح منا وبلاش
كل حاجة بنّا عدت
حب تاه منا وما جاش
لا كفاية مش هعاتبك
آه بحبك ما انتهاش
كنت قاسي بعت حبي
والخيانة ما ارضهاش
كل زكرى ما بينا حلوة
خدتها وما سبتهاش
بس كلمة أوعى تزعل
ليه نسيتها ما قلتهاش
سبني وابعد أصلك أنت
عهد حبي ما صنتهاش
كنت لعبة لعبت بيها
لا كفاية ماتئذهاش
لا يا قلبي أوعى تبكي
علي اللي خان كل العهود
ضيع الحلم اللي بنَّا
راح ومش ممكن يعود
دمع عينه همس قلبه
والليالي عليه شهود
أنت أصبحت في حياتي
ماضي عدى مالوش وجود
لا خلاص أنا مش هصدق
كلمة تانية والوعود
وبإيديك حطمت قلبي
والدموع فوق الخدود
لو هترجع مرة تانية
مش هتلقى غير سدود
لا يا قلبي أوعى تبكي
على اللي باعك من زمان
وانسى إنك يوم قابلته
هو ظلمك يا ما خان
عدي فوق الخوف واهرب
قبل ما يفوت الأوان
كنت ويياك حد تاني
دقت ويياك الحنان
بس فجأة بقيت أناني
ضاع حنانك والأمان
بعت أغلى سنين حياتي
خنت حبي وقلبي هان
لا يا قلبي أوعى تبكي
وافتكر كل اللي كان
