محمد جمعان الدوسري
جلست وحدي وكنت أنا خالي البال…………………..
أقلب الجوال وأشوف علمه
وسمعت قصة سامت القلب باغلال………………
شاعر وأعايش كل هم(ن)وغمه
وأعيش معه الجو وأعيد ما قال……………….
وأكتب معانات(ن)الشجون المطمه
وعرفت كيف الحزن لا داهم الحال…………………
ونقض جروح من الأسى مدلهمه
رسم(ن)رشم وسم (ن)بقلبه ولازال………………
يمسح هميل الدمع بطرف كمه
على حبيب(ن)راح مننه ولا احتال……………..
ينسى هواه وفيض الاحساس رحمه
عايشتها والوجد في خافقي جال…………………
وهمال دمع العين عجزت ألمه
حسيت كني واقف فجرف منهال………………
أمام عيني يوم وجهت يمه
وهو يتأمل طفلها بين الأطفال…………..
ويشوف في عيونه تلفيف أمه
ويناجي الذكرى على ذيك الأطلال…………….
وجروح قلبه بددت طيف حلمه
يمكن وهجها مر غيري ولا طال………………….
منها سوى قصه رواها بفمه
أوقالها غيره وما دار له بال…………………
ختى نسايم سردها مايهمه
الناس أجناس ولا فيه أشكال………………
وكل(ن)وله رايه والإحساس نعمه
وأنا عزفت ف ساقي البوح موال…………………
وخذيت من فيض المحبين رزمه
كني معاه أميل من حيث مامال……………….
بين الحزون أشوف لي أي ثلمه
من لا يعايش حالة الوجد ما شال…………………
الهم مثلي وزاد بالحزن سقمه
