رابية الأحمد.
بقلبي وجع ما جربو إنسان
صعبة ياربي يضل بقلبي
لما الحقيقة بتظهر وبتبان
وبتجرح وبتكون شو صعبي
ليش الفقير بقسمتو رضيان
وقلبو حزين هموم متعبي
بيرجع ع بيتو بهالمسا تعبان
ومن الوجع ياخد ألف حبة
بيسهر بليلو صافن وزهقان
وبيدعي دخيلك عِينْ ياربي
همو ع ابنو النايم وجوعان
وبنتو الزغيرة صارت بغربه
عايش بحسرا وقهر أوحرمان
وبكرا بعلم الغيب شو مخبي
لا الشرع حلل هيك لا الأديان
ليش الظلم والقهر ياربي
لاطب رح يشفي ولا لقمان
ولا الجرح مابتكفي الف قطبي
