محمد جمعان الدوسري
من لا لقى من ضكة الوقت تكشير//
ماظن يصبر في العنا ربع ساعه
ومن لا شرب كأس التعب يومه أصغير//
مايعرف اللي شاف غيره وراعه
بعض الحكي رسمةحروف(ن) وتبهير///
شخص بعيد(ن)عنك قاصر ذراعه
وأنا حملت الوقت أول بتقدير///
وشلته وعناني بعزم وشجاعه
لكن غلبني غصب من دون تفكير///
مني ووراني الشقا في براعه
حتى طويت أسنين من غير تبصير///
في الحال لين إنه كشف لي قناعه
ثم لفني لف الرحى وين ما أسير///
ف دنيا عناها ما يهني متاعه
في غاربي يلوي و من غير تقصير///
وزاد عصري بالأسى في أندفاعه
حملت منه جروم وشيلها غير///
من شال مثلي كيف تصبح طباعه
يااخوي ماظني زبون الدنانير///
مثل العليل اللي قصر فيه باعه
فإن جاك من يحمل صكوك التدابير///
اسأله هل ناش التعب من شراعه
هل ذاق مر الوقت ذوق المعاسير///
حتى روى دمعه ذوايب نطاعه
الليل يعوي والصبح للمخاسير///
مرعب ومن شال التعب مااستطاعه
يعرف كلامي والبلاوي غوادير///
من شاف هول الحزن و الهم راعه
