المهدي تركي الرياحي
كثرة علي الهموم وطحت من طولي
وأنا من أول يطيح الهم من شاني
وأقول شئً حصل مهوب معقولي؟
لكن حصلي حقيقه شوف الأعياني!
ذهبت يم العذاب وجيت برجولي
ورضيت به لين حتى ربي أشقاني
يا ورد لا ياشعاع الشمس يا لولي
تكفى عقب ماعرفتك ليه تجفاني
سيف الهوى اللي بصدري منك مسلولي
أنت السبب فيه وأنت القاضي الجاني
عليك تصرخ بيوت الشعر وتقولي
يا فاتنه ملهمه لشعر واللحاني
خلي جديلك على الارداف مفلولي
أظن يكفيك عن ملبوس الأرداني
وتبسمي وانوري دنياي من حولي
واستاسريني عن احبابي وخلاني
يا وجه صبحٍ ضحك والنور مرسولي
يشق وجه السماء في نور رباني
يا شمسي اللي ضياؤك ابلغ من القولي
أنا أتحراك وقت المشرق الثاني
وأخيرا ما أقول وأبلغ وصف في قولي
أنتي ملاك يسير بصورة إنساني
