الشاعر : محمد عبد العزيز رمضان
أنا عاشق بقول موال
وأهل العشق دول مجاريح
ومين عارف ومين شايف
ومين حاسس بقلب جريح
سهرت الليل بموالي
وحاسس أني هبقي طريح
عشقتك أيوه مش خايف
ومش ممكن أخبي الشوق
بحبك أيوه مش هنكر
وحبك ياما خدني لفوق
ودوخني وسهرني ودوبني
وكنت أتمنى عمري ما أفوق
ياريتني ما كنت حبيته
لأن الجرح مش هين
ومن عمري أنا أديته
وخني وعمره ما بين
عرفت بأنه كان غدار
وباع الحب بسهوله
وسبني أتكوي بالنار
وعشت حياتي مكسوره
ومات جوايا حلم جميل
أنا خايفة ومضايقه ومعذوره
هسيبك بس مش هندم
لأنك كنت ناوي خداع
ومش ممكن أكون جمبك
دا قربك زود الأوجاع
وكلمه هقولها في الآخر
أنا مش هبكي علي الباع
