الأدب والشعر
بلادي بلاد الخير


ليلى براده
باللهجة المغربية
جا رمضان
وجا بخيرو
مشينا للسوق
كلشي تبارك الله موجود
حيث بلادنا بلاد الخير
معروفة بالفلاحة
وزوج بحورة
اما الفوسفاط
خلاص لاتسال عليه
هذاك نتاع ماليه
وخا هو فبلادنا
وعندنا الحق فيه
ولكن مانقدوا نقولوا عليه
ياخدوه يربحوا بيه
ويرخصونا الخضرة
أودي آش هذشي
البصلة دارت الكرون
البطاطا ومطيشة
القسبور
المعدنوس
بيهم عايش المسكين
فهاذ رمضان
مابقناش قادين عليهم
كيف يدير لي معندوش
وبزااااف منهوم كاينين
ونقولوا علاش الشباب ينحرف
هاذي تخرج
وهذا يسرق
أتقوا الله يادوك الكبار
وخليوا السفينة تمشي
راحنا شعب لطيف
ظريف
كنحشموا على وجه
سيدنا
أما نتوما راكم طغيتيوا
مرمدتوا بكرامة المسكين
الذي لاحول له ولا قوة
عندنا زوج بحورا
خيرنا دايو غيرنا
وحنا نشريوا بالغلا
علاش هاذ القهرة
علاش
خافوا الله
راه اليوم الدنيا
وغدا حفرة
فيها بعض الشبورة
L.B.