رابية الاحمد
بعيدك يا أمي
جاي أنا بهالعيد وبلهفة
زورك وبوس تراب هالحفة
وأذكر ليالي سوا عشناها
وفضلك عليي كبير ما بوفي
لو تعرفي هالقلب شو صابو
بعدك يا أمي سكر بوابو
وكل الأهل جيران لو غابو
ياتاج راسي ومرصع بعفي
قومي يا أمي الروح تلفاني
ودموع هالعينين ملياني
راح الجسد هالروح صفيانة
هم وحزن ووجاع مختلفي
دخلك يا أمي تقبري عضامي
قومي ندهيلي مية السلامي
مابظن انساك ليوم القيامي
فضلك كتير كبير ما بوفي
