أحمد عبد الحق
فين الكلام
كلهم بيقولوا نفس الكلام
كل واحد عجبه حاله
وفاكر أنه عايش غرام
كلهم دايبين
فاكرين نفسهم عاشقين
أداريهم ياقلبي
في الآخر محرومين
ياأهل الغرام تعالوا
حاولوا تحسوا الغرام
مش بس تكتبوه
عيشوا كل الحروف
كل الكلام في لحظة هيام
الأول بس أتعلموه
والحنين والأشتياق
عيشوا القرب مرة واحدة
ليه عايشينه فراق
المهم أحساسكم مرة
حاولوا لو مرة ترسموه
هي ليلي وكل ليلة
هي هي
هي عبلة ومش معادلة
في الأصل هي ليا
حب عمري اللي فات
واللي جي
لون عيونها ليا ضي
وكل أيامي اللي جاية
هي كل حروف الشعر
بكتبها لحظات الإشتياق
هي حضن دافئ لما
بحس أيامي فراق
هي أمي وأختي ..هي
كل مرة وبأشتياق
هي حرف بين سطوري
أقل حاجه هدية ليها
لما أقدم روحي ليها
أصلي عايش والله بيها
وعمري ما بكدب في غرامي
أو أجمل في شعوري
فين الكلام
هو الكلام زي الكلام
ولا غرامكم زي الغرام
الخلاصه وبأمانه
عايز تحب
عاوز تحس بين ضلوعك
وتحس بأنك عايش بقلب
حب مرة والأهم
أنك علي طول تتحب
مش كلام
مش هيام
ومش إزاي يكون أو بكام
وخلص الكلام
لالاياقلبي
لسه هنعيد كل الحروف
من غير كسوف
من غير ما نعيشها بخوف
هي السر اللي في حروفي
وبعيونها ابتدي بيها الكلام
