رابية الاحمد.
في حزن جوا القلب مكبوت
ربي دخيلك ترأف بحالتنا
شو ذنب أرواح عم تموت
قهر وحزن والجوع باكتنا
الفرح هاجر كتير بيوت
صار الوضع عالسفر يبعتنا
لاكهربا ولامي لا مازوت
صار الحجر يبكي عحالتنا
ماضل غير الخبز عنا قوت
وبعض البشر أنبسطت لغربتنا
الطفل أنحرم من قطعة البسكوت
من حاوية يلملم زبالتنا
القصة حزينة ماعاد بدا سكوت
مغمسة بالدم لقمتنا
شيلو النعش وهاتو بقا التابوت
شو نفع العمر والزل عيشتنا
