محمد جمعان الدوسرى
يارب يالمعبود ياعالي الشان
يالرازق المنان ياخير منعم
ياباسط الأنعام الكل من كان
يالمعتلي فوق العلا دون نعلم
يامعطي المحتاج من خيرك أفنان
من دون مننه لانصاك يتألم
يامقاسم(ن)خيره بلا من بإحسان
جزل العطى عند الرجا لكل معدم
يارب تاهت حيلتي وجيت فحمان
تدفعني إرجوم العنا وحظ مبهم
في دوح فضلك يرتسم نور الإحسان
على العليل المشتكي لاتعسم
ياملجاء المحتاج لصار طفران
وإنبت حظه أو عناه وتصرم
يامقسم الإنعام حكم(ن)بميزان
ميزان حق..وافي القدر محكم
ترحم ضعيف(ن)غالب الحزن بالوان
صوادف(ن)من داسها ما تبسم
يلوذ بك ياخالقي بذل وإيمان
وفيض من التسليم من شان يغنم
وكله رجاء ومن الرجاء
جاك فرحان
وهو يعاني داهم(ن)من قذا الهم
فألطف بحاله لغدا الهم ودان
من غيرك اللي لاقسا الوقت ينعم
