محمد جمعان الدوسري
تصغر في عين البعض لا صرت محتاج…….
وابديت ما كنيت والهم عاتي
وتدور بالألأمك وما عندك علاج……..
لصرت في ضيق(ن)يهز الثباتي
سيف الحزون إذا سطا لد ما إنعاج…….
بين المحاني بفضفضات (ن)تؤاتي
احد(ن)يصد ويحط للباب مزلاج……….
وأحد(ن)يطارد زلتك للمماتي
واحد(ن)بكثر اللوم يضرب بكرباج…….
يحد سكين(ن)به السؤء اتي
من كثر لومه يمتلي القلب إحراج……
تشرب هماج وتحسبنه فراتي
يطفي الأمل في فيضة(ن)ما بهاسراج…..
وتمشى الهواجر وتحسب القيظ شتاتي
ماتدري إن الوقت تقليب أمواج……..
تمسي بحال وننتظر للنجاتي
خذيت لي درس وفي الدرس منهاج………
اني أناجي الله بضعف ذاتي
واسأله في ذل وخضوع (ن)ودولاج…..
سواني النجوى يبلل لهاتي
وتركت باب الصبر من دون مزلاج…..
لاجن ليلي راجي الخير ياتي
