محمد جمعان الدوسري _ الدمام. الشرقيه
كم شجون(ن)تجي المنجوم غصب وتغله…
تقلب الحال وتمرمر حياة النداوي
لا نحرها تشوش وعاتي الحمل شله…
في شليله وشال الشيل ولاهوب قاوي
وكم خوي(ن)تظنه ريف وجدك وظله…
ولا نصيته لقيته للمغثات شاوي
يوجع القلب قوله فوق هذا وفعله…
لو تكلم غثيث وان فزع ما يداوي
المخابر جواهر لاغدى الجو فله….
والاماني تزاحم لا عسرتك الخطاوي
فيض بوحي يقيد لي هجوسي و افله….
واتهيض وتاخذني طروق الخلاوي
عزتال المعنى لاشرب كاس عله….
من عزيزٍ يعزه وصار كالذيب عاوي
ما تفيد المثايل كل فعلٍ له اهله……
والعرب يعرفون اللي يسوم الحزاوي
لو عناه التلوي قبل يعييه شله……
بان له ما دوى به قبل ليصير غاوي
