اجلس مع الناس لا راقد ولا ضاحي

محمد جمعان الدوسري

اجلس مع الناس لا راقد ولا ضاحي……………..

وفيض الشجون العتيقه احترق مننه

مابين حلم(ن)قديم يعاود مراحي……………..

وآهات ممرور كل ما سج دكننه

وإذاغلبني الالم العب بمسباحي…………..

وأسري بتعلات منجوم(ن)يهدننه

وأنا كذا من الأسى أملي أقداحي…………….

هماج ولا زلال بتمتل الشننه

مره على مركب الآمال سراحي………….

وقت الهجيره إلين الظهر والكننه

بصبر على ما لقيته رجوا ينزاحي………………

حتى إدا زاد ضكه أحتمل طنه

وقدر الألم لاستوى يغث لا فاحي……………….

وإن صار فارغ يجيك لطرقته حننه

نظرة بصير(ن)يروم البدع لا لاحي………………..

ويصبر على ما يعاني ويعقبه وننه

خليت في صحصح الاهات ما باحي………………

وحبست في محجر العينين لي أننه

بعض الهواجيس تنصاني وأنا صاحي…………..

وأخفي شجوني وما عانيته أكننه

واللي يجافي كنيني يلبس وشاحيى……

ويشوف ما شفت ولا يسمع ابد حننه