راشد بن عامر السلماني
عندي فضول
أريد أعرف عنك كل شيء
سولف لي .. علمني
حتى لو تكذب علي
الحكي منك. يشعرني بارتياح
من حركة شفاتك.. يشرق الصباح
عندى فضول
أريد أشوف عيونك
من سكن فيها
وإذا غاب عنها الشوق
من يجي يواسيها
كيف تقدر تنام
إذا ماجاتها الأحلام
عندي فضول
أسولف لك
تسمع لقلبي وتعرف مطلوبه
وتسولف لي عن قلبك
وكيف يختار محبوبه
علمني اسرارك .. اللي كنت تخفيها
وأفتح لك قلبي .. وروحي تسكن فيها
عندى فضول
في خاطري بعض الأمنيات
وأسألك بدون مقدمات
ممكن اعشقك على طول .
