راشد بن عامر السلماني
يا حسافة
مَن عشقناه بالأمس
صرنا اليوم نخافه
تغيّر علينا.. غاب ونسينا
كان يجيني يشتكي
من خوفه على فرحه
كان يجيني يشتكي
من دمعه على جرحه
يا حسافة
ارتاحت عيوني معاه
وارتاح قلبه معاي
واليوم من قلبي بغاه
غاب وخيّب رجاي
أريد أسألك يا شمسي:
هل صدَق معي أمسي؟
أو خدعني نظري
وثار شوقي بغلط؟
وعشقته وأنا ما أدري
أنه يحب نفسه فقط!
كل شيء يمكن يصير
دامها الدنيا تدور
ويصغر الحلم الكبير
وينخدع فيني الشعور
يا حسافة
أقولها.. لو تطول بيننا المسافة
أقولها.. والندم ما عُدت أخافه
لا تدور على السلام
قلبك بالحقد اكتفى
ولا تفسّر الكلام
من قلبك العشق اختفى
