الشاعر محمد عبد العزيز رمضان
باعترفلك إني خايف
أيوة خايف م الكلام
اللي قلته قبل منك
إني صعب ألقى الغرام
بس لما شفتك إنت
فجأة حسيت بانسجام
دبت في عنيك اللي خطفت
قلبي ورمتني بسهام
إنت موجودة ف حياتي
في الحقيقة والمنام
إنت زهرة جميلة رسمت
شوق وأجمل ابتسام
باعترفلك إني دايب
فيك يا أجمل عيون
إنت يا أغلى الحبايب
روحي أيوة أنا مش هكون
إلا ليك أنا مش ناسيك
صعب يبعدنا الظنون
باعترفلك يا حبيبتي
كل لحظة عشتها
وإنت جنبي يا حياتي
أحلى حاجة أنا شفتها
والليالي عليا تشهد
قلبي طالب قربها
يا سنين العمر هدِّي
نفسي أفضل جنبها
ليه يا دنيا ليه بتقسي
مش راح أرضى ببعدها
هيا ساكنه جوا قلبي
أحلى صورة رسمتها
مهما عدى العمر هفضل
مهما قالوا بحبها
