راشد بن عامر السلماني
يمر اليوم .. مثل كل يوم
ويأخذ معه وقتنا
اعاتب حظي وألوم
ليش اختفيت وتركتنا
أنتظر شوفتك والعين تشتاق
تندمج مشاعرنا وبينها يطول العناق
يسبقني بالخطوة .. حضورك
ويصافح إحساسي .. شعورك
* * * *
تعودت عليك
حتى الطير تعوّد يسلم عليك
ما صفقت جنحانه
ولا غرد بألحانه
يظل ينتظر طلتك
ولا يغير مكانه
يسأل عنك الورد
تلاعبت النسمة بعطوره
يريد يدفا من البرد
ضاعت تفاصيله وحضوره
* * * *
تعودنا وصارت .. شوفت عادة
أعشق كلامك لي .. تعابيره قصيدة
تطربنا حروفك وتغنيها السعادة
كل كلمة فيها نبضة جديدة
تعودت عليك
وتعود الوقت على صبري
تجينا متأخر.. أو تجي بدري
يرسم الشوق خيالك أمامي
تناديني عيونك
قبل لا توصل مكاني
وتسبقني عليك روحي
قبل لا يرحب بك لساني.
