محمد جمعان الدوسري
البارحه جالس رهين التباريح…………………..
وأسراب افكاري تهد الشقاوي
تعبان ماادي هو انا ودي اصيح……………………
ولا عليل ويلوي القلب لاوي
مابين لفحات(ن)تجيني مساريح………………
معهاحزون تخلي الراس داوي
وانا مع السجات اقوم واطيح…………………
كني صويب ومن غثا البوح غاوي
اجلس على سيف البحر ارقب الريح…………………
اللي تحيير في هواها الخلاوي
اخذ من الذكرى الجميله قراطيح…………………
في ساحل احلامي هوايه سماوي
نفسي تبي بعد المشقه تسابيح……………………
تجلي الهموم اللي شقاها مخاوي
ومع التبتل تدرك النفس ترويح…………………..
لاصرت ممرور وعليل ونحاوي
ياللي تعاتبني تبي مني توضيح…………………
البوح للممرور لاصال كاوي
واللي يعاني لاشتكى دمعه يطيح……………….
لزادت اللوعات وماعاد قاوي
ماهو تشأئم ذي شجون المجاريح…………………
يحتاجها الملتاع لصار طاوي
ويرفع يده لله مع كل تسبيح…………………
وفي سجوده لادهمته الملاوي
