الشاعر محمد عبد العزيز رمضان
أنا كنت فاكر
أيوه فاكر
فاكر إنك
مش بعيد
يا خسارة لكن
أيوة لكن
بعت حبي
من جديد
ولقيتني خايف
أيوة خايف
خايف أبقى
كمان وحيد
وفضلت عايش
جوا حزني
مهما أقول
أو مهما أعيد
قلبي خلاص
مكسور وتايه
مهما أعمل
إيه يفيد
قلبي اللي حبه
وداب في حبه
مش هيرجع
يوم يعيد
عهده وكلامه
هو خانه
لا خلاص
قاسي وعنيد
غايب وحاضر
هو قادر
رغم كدبه
يكون سعيد
أنا كنت بحلم
أيوة بحلم
إني أعيد
كل اللي فات
وعرفت إني
صعب أرجع
لا خلاص
بقى ذكريات
ولقيتني ببكي
رغم ضحكي
ع اللي باع
أجمل حاجات
يا عيون جريئة
مش بريئة
تهت فيها
بالساعات
أنا مش هسامح
مهما قاللي
مهما حاول
الاعتذار
أنا كنت بفرح
لما اقابله
بعد طول
الانتظار
سابني باعني
ليه خدعني
كان بإيده
الاختيار
قاللي انت
الحب كله
بس دوقني
المرار
مش هعيش
ولا يوم هصدق
حد لف
وحد دار
