الشاعر : محمد عبد العزيز رمضان
يا حبيبي آه بحبك
مش هخبي أو هداري
نفسي تعرف يا حبيبي
اللي حصل واللي جرالي
ياما سهرت الليل بفكر
وأنت بعيد عني يا غالي
قلبي يبكي في كل لحظه
صعب إني في يوم أداري
ياما قلت إنك حبيبي
بعت حبي وقلت مالي
لا خلاص انسى اللي بِنَّا
بنَّا أصبح سد عالي
والقمر ونجومنا تشهد
عهدنا في طول الليالي
بس خنت العهد كله
كل دا فوق احتمالي
قلت هاخدك يوم ونبعد
يا حبيبي في العلالي
قسوتك جرحتلي قلبي
والبعاد غير لي حالي
يا حبيبي آه بحبك
بس مش هرضى الرجوع
أصل خايف يوم أصدق
مهما تبكي بالدموع
اللي فات أنا مش هعيده
أنت طفيت الشموع
لا خلاص وبإيه يفيده
بعد ما رضيلي الوقوع
مش هكون له مرة تانيه
مش راح أقبل بالخضوع
كان معايا في كل ثانيه
نبض قلبي والضلوع
يا حبيبي آه بحبك
بس كل الحب مات
حبنا أنت اللي بعته
لا خلاص بقى ذكريات
جاى تقول ليه افتكرني
وافتكر كل اللي فات
ليه نسيت اللي عملته
كان سنين دمع وآهات
يا حبيبي آه بحبك
كان ما بنَّا أجمل حاجات
بس راحت منا ضاعت
واللي باق يا دوب ساعات
