محمد جمعان الدوسري
للاضاق صدري اجر خطاي…
في مهمه(ن)نادي(ن) فاضي
وأجلس على ربوته ويايى..
شوق المسلهم الى الماضي
وأسرح مع الحلم وفي متكاي…
راحه وأنا داله وراضي
وفنجال صفرا وكأس الشاي…….
حولي وأناغير مغتاضي
مابين رجم الهوى مسعاي…
اردد البوح لا ناضي
كن الفضا يبتسم لحكاي..
لاصرت ألاحي هوى القاضي
وإبن سبيل وذاك مناي….
في بيوت جزلات وإعراضي
وبدر الحويفي رايح جاي…..
اسرح معه حول مركاضي
قاعد أفضفض وأدير الراي…
وراضي إذا طاب فضفاضي
ورغم التعب ما تخور اقواي…….
وأعالج الهم لا أغتاضي
وإن طاب بوحي عزفت الناي…..
وبالبوح أعالج أمراضي
وفي خلوتي ماشربت الماي….
وادير فكري وأنا راضي
ولا غابت الشمس تاه الرأي…..
وجمعت عفشي أغراضي
ورجعت أمشي وفي مشهاي…..
أرجع بعد وقت لرواضي
