في ذكريات الزمان الجميل

محمد جمعان الدوسري

ياما حلا المطراش في الصبح للحيش…………………

أنا وأخوي وربعنا والأخله

فذاك الزمان إللي مضى بطييب العيش…………………

ووجيهنا مع بعضنا مسفهله

وقلوبنا بيضا ولابه مغاشيش………..

بهجة سرور والمراوي مظله

لاهم يطردنا ولا ضيق أو طيش…………..

أنفوس زينه مابها أي عله

وحنا على جال المدي كالدراويش……………..

نلعب على ونمرح ونسمة الجو فله

والنوق حول المدي أتجض ما تهيش………

تشرب عذيب الورد مع كل نزله

وأخوي رجله في المدي بأول الحيش …………

وحنا جميع ومن لقى شي شله

وشكل النوارس في السماتنفظ الريش……………..

سرب(ن)يطير وسرب ياتي محله

وإذا النوارس روحت كنهاالجيش……………

قمنا نجمع ريشها ثم نشله

وإذا لفحنا الحر صرنا مخاريش………….

أندوور أنخيل(ن)سعفها مظله

نجلس تحتها والسوالف عرميش ……………..

هذا يقول وذاك يرقب محله

كم من سوالف في رحيمه لها طيش ………….

فيها نعمنا بالهوى وطاب كلها

عشق المكان يزود في النفس ويعيش ………

بين المحاني وطاب بالطيب دله