محمد جمعان الدوسري
ننوم ونصحى والأمل لف دولاج
واللي كتب ربي علييه لقيته
كل ما بغيت يجي ليي الحظ منعاج
تهت الطريق بجهلي وما سبرته
بعض التعب يضرب كما ضرب كرباج
ومن زود ما يضوي علييه ولفته
لاح الصبر والصبر للمشتكي اسراج
وحبل الرجا لوه عريض(ن)فتلته
بعض البشر واقف على بير هداج
يشرب قراح.وبكدنا ماوصلته
وبعض البشر تايه ولاشاف مخراج
لاقام طاح وما وعيناه قلته
لو كانت الدنيا تجي لكل محتاج
على الهوى بصبر على ما غزلته
واللي يشيل الحزن بالحزن سجاج
مع ما أشوف وكل ما احتلت شلته
بنيت لي بيت(ن)هساش (ن)بلا سياج
والبيت طييره الهوا مادخلته
