محمد جمعان الدوسري
كلن يدور له على ساعة هنا………………………
يبسط لها بساطه ويرقب طالعه
ويقلب آهاته ومن رجم العنا………………………
يشوف بعيونه حقيقة واقعه
ويرسل خياله من صحاصيحه لنا……………………..
رجوى يجينا من فلاة (ن)شاسعه
مابين أحلام(ن)نداها يهمنا…………………….
وهمال وبل الشوق مع توابعه
خذيت أقلب ناظري بين المنى……………………
فأحلام بكره والحلوم الرايعه
فاض القريح ومن بعد ماهو دنا………………….
وبل القوافي من تخوم(ن)واسعه
امسيت أطالع طالعي واللي جنا………………………
زرعه فيصبر لو غدا في وادعه
ماقل دل ولو تطاول من شنا……………………….
أدمح له الزله وحذرا تقاطعه
واسمح وسامح ولا تدور للخنا………………
والعفو معروف(ن) اوصوفه ماتعه
رسالتي للي تقفاه العنا……………………..
ما قدر الله مشرقه طوالعه
ياحظ وينك ما تعرف اني هنا…………………..
جالس على شط الرجا وأسانعه
