الشاعر محمد عبد العزيز رمضان
ولسه ببتدي اكتب
لقيت الورقه مليانه
بنوحي وهمي متركب
ونفسي بجد تعبانه
ومش قادر ولا هكذب
وليه يا دنيا رميانه
وليه الدنيا مش فاهمه
دي مفهومه لكل الناس
بآهه ونوحه مرسومه
برغم الدمع والاحساس
بنلقى الدنيا مقسومه
مابين رايح وتاه ولا جاش
لأن الدنيا مش ممكن
هنقدر يوم نفارقها
لأن فيها حبايبنا
وفيها أمي واخواتي
وفيها كل احلامي
وفيها الضحكة مرسومة
وفيها اللقمة مقسومة
وعايزاني اقول سلامات
دا صعب بجد اني ابعد
وصعب بإني يوم اهرب
واقول حكايات
حكاية بنت حبتها
وأنا صغير
وكانت جارتي في الحته
وكنت ساعتها مش فاهم
بإن دا كله لعب عيال
كبرت فهمت ان الدنيا
مش موال
فهمت بإن يوم نبكي
ويوم نضحك ع اللي
اتقال
فهمت بإننا يمكن
نشيل فوق الحمول
احمال
يا دنيا مهما هتقولي
دا فيك حلمنا وتعبنا
وشيلنا فوق كتافنا
جبال
يا دنيا انا مش هقول
إنك معايا كنت عال
العال
