محمد جمعان الدوسري
قالوا علامك قلت والله ما أدري………
هواجس و باخذ معاها تعاليل
واشرب قراح البوح والقلب مفري………
رجوى تظلل خاطري بالتساهيل
ويطيب ماها كل ما فاح قدري……………
وجهزت انا بهاره من الصبح لليل
بين الحزون الفارعه قمت انا اجري………………..
واسلهم اشويه واذا طاب ما اعيل
مابين سيف البحر والبر خطري…………………….
يذري السفيف وانفضه كني اكيل
اسج معه من الصبح ثم اسري……………………..
إذا عصفت بي مع هواه الغرابيل
ويجدد اللي بالتعاليل مبري………………………
واطرد وراها لو خذتني الى الميل
في صحصح(ن)مافيه رمث(ن)و سدري…………………
سجيت رجلي مع اقروم (ن)مشاكيل
بين الاكاسيا والقرم كالبختري…………………
نجني نبات الحمض لو العرق سيل
كن الرضا بالحب يروف ستري…………………..
ونرجع الى الساحل وحنا مفاليل
وانا معاهم والخواطر تمري………………………
والشوق حاضر ما لنا عنه تحويل
وريح الخزاما حي لو شح دهري……………………
وانا في بدع القول عندي مكاييل
والبوح لامن لد لي طاب شعري…………………….
واجر بالمسحوب لحني مواويل
وكنه يروى لي من هناك قمري……………………
يبي يلاحيني وانا اصد ويعيل
وانا كذا ما بين سري و جهري…………………….
مكشوف والمكشوف كله تهاويل
سج القدم بالبوح من حيث تطري…………………
لك المعاني والمعاني تساهيل
حديث وجد طاف بالقلب حصري……………….
يوم(ن)لفاني قمت واسرجت له خيل
