حنين الأشواق

محمد جمعان الدوسري

لاغاب عنا صاحب(ن) ما نسيناه……………………

يبقى وتبقى ذكرياته جميله

حتى ولو يجفا فلا ما جفيناه…………………..

من عاش معنا ماندور بديله

ونسامر الأيام لامر طرياه…………………….

في الليل وأسهوم الأماني تخيله

ولا طاف طيفه في غيابه تلقاه……………..

منا المراوي والشجون العليله

موروث فضل شاقنا وما تركناه……………………

من نهج أبويه والمثايل مخيله

إذا تجلا يوم بالشوق ناداه…………………….

منا الهوا إذا جرى من مسيله

الصاحب الغالي محله وسكناه……………………

في القلب ومابين المحاني نشيله

كم مرة جلست أتنى محياه……………………..

وأشرب زلال(ن)من سواقي صميله

لاجل الموده تسقي الخل من ماه………………………

ومن طاب ذكره طاب حتى حويله

ياما جلسنا فخلوة(ن) عند طرياه……………………..

نجاذب العبرات من دون حيله

ونطلب من الله يحفظه وانتحفاه…………………

بأشوقنا رغم السنين الطويله

هذا الحنين ومن قديم وعيناه……………………

اللي نحبه ما ندور بديله

لهيف وجد(ن)زارنا ما زهمناه…………………..

وأينع بما شال الخليل لخليه