محمد جمعان الدوسري
نفسي على المقسوم طربه وأمنت…………..
باللي كتبه الله ولا أروم غيره
وأشيل شيلي في شليلي وذا شلت………………..
شيل(ن)اشيله لوتعاظم شطيره
بالصبر والإيمان والعزم مادمت ……………
حي(ن)ولو كانت حياتي عسيره
وأطاول أحزاني وأنا ما تملمات………..
وما يجنح المركب ونفسي كبيره
لكن يجيني هاصر ولا تكلمت ………………
أحس بالراحه وأفرد حصيره
شفت الحياة وذقنها ثم أيقنت……………….
إن الله الرازق والخير خيره
المعطي المنان ذو الجود وأذعنت………………
للي قسم لو البلاوي كثيره
لأنه عليم بضعف حالي وسلمت………
بالأمر والمقاومة وعيني بصيره
وإن الأمل طيب ومننه تعلمت…………………
إن الصبر حصن النفوس الحصيره
وحفظت هذا وفادني كلما قمت…………..
ولاقعدت (لعل في الامرخيييره)
فالأمر مكتوب(ن)من أول ومادمت……………
أدري وأعرف فالعظايم يسيره
لكن أنا إنسان في لحظة الصمت………………
تسرقني البسمه ونفسي كسيره
بس اتلوى في مكاني إذا زمت………………
وأخاطب الطيب ونادي سفيره
وبث وجد(ن)في فؤادي وما لمت ………………
إلا الحزون اللي علييه مغيره
