الأدب والشعر
توسل مكروب


محمد جمعان الدوسري
على بحر المجتث النبطي
من البحور النبطيه المنسيه موسقي الحركه يقابله الهجيني القصير
ياالله بك نستعين
يارازق(ن)الخلايق
والخير منك مديد
سهل لنا يامعين
بأمرك تزول العوايق
لو كان صعب وعتيد
والشين بامرك يزين
ويشرق على كل ضايق
فضلك وبه نستزيد
جمعان سعيد
……………..
ارفع يدك ياحرين
لله لاصرت ضايق
وتصبح بأمره سعيد
من غير ربي يعين
اللي ادحمته العوايق
وكل ما رفاها تزيد
لاتشتكي من السنين
إصبر وافتح طوايق
بالصبر تفلح أكيد!!!!!
وخلك في حصن(ن) حصين
وارفع يدك وانت رايق
ومن الرجا تستفيد
كم في التعب من سجين
يظن مهوب رايق
ويحسب بأنه وحيد
واللي حكيم وفطين
يجلس لوحده دقايق
ومن الرجا يستزيد
ويفتح مجال اليقين
بلا سدود وعوايق
وللصبر عنده رصيد
واللي تعسر يزين
بإذن رب الخلايق
ربي الحميد المجيد