محمد جمعان الدوسري
لييه شهر زادي هواجيس وأهموم………………
هذي تصارعني وهذي أليمه
وأنا على جال التعب كلي اثلوم…………………..
وجروح قلبي وين أوجه مقيمه
يين الشجون المجديه حالي علوم………………….
متلحف حزن(ن)تلايم حطيمه
والمبتلى لامن دوى وطاح ما يقوم…………………
لازاد همه أوتلايم هشيمه
حتى غديت بشحنتي شبه منجوم…………………
ضاعت هداتي وإفختتني العزيمه
كني كليل الفكر والحال معدوم…………………….
أركض وتطردني الهموم العظيمه
وأنا عليل وعاجز وماأقدر أعوم……………………
في بحر حزني لا تزايد لطيمه
أحاول أنهض عل ما أكون مهزوم…………………..
واقف على جال الأمل أو رديمه
الهم سم(ن)لاشرى يهلك القوم………………………
ويفني النفوس الطيبه والرحيمه
كنه عروض(ن)داكنه تطرد رجوم………………….
تمطر على العاني من الحزن ديمه
ولا تلايم في متاهات واركوم…………………….
تأخذ ضيا نفسه وتبدي عديمه
وأنا على ما طاف بي قلت: مقسوم………………….
اني اطارد من قذى الهم غيمه
وأشرب زلال الصبر لا صرت مضيوم………………….
والصبر طييب لو لفحني نسيمه
حتى لو إني من عنى المر محموم………………….
متجرع(ن)سقم الشجون وضريمه
بأصبر وروم الصبر والصبر معلوم………………….
إنه ملاذ أهل النفوس الكريمه
وأروح وأرجع في المعاناة وأحوم……………………
في لج موج(ن)ماتقاصر لطيمه
والأمر لله باسط الرزق قيوم……………………..
أمره قديم وفي التبصر غنيمه
وفيض الدعاء في تالي الليل مفهوم…………………..
إنه دوى كل النفوس السقيمه
ثم الصبر لأجل العنا المر مايدوم……………………
والأمر لله والتجهم جريمه
